Japoni | TEPCO kërkon ndjesë për raportimet e gabuara të radioaktivitetit

Më parë kompania kishte njoftuar se shkalla e rrezatimit radioaktiv në reaktorët e dëmtuar arrinte në 10 milion herë mbi nivelin normal, por zyrtarë të kompanisë thanë se kishin bërë llogaritje të gabuara dhe për këtë kërkuan ndjesë. TEPCO tha se kishte lexuar gabim të dhënat. Por pavarësisht kësaj, rrezatimi në reaktorin numër 2 është ende shumë i lartë dhe i mjaftueshëm për të shpërngulur teknikët që punojnë aty. “Shifra është e pabesueshme, tha zëdhënësi i TEPCO, dhe ne kërkojmë falje për këtë.”