Izrael – Zbutet bllokada ndaj Gazas

Bëhet fjalë për 20 makina të lejuara të futen në qytetin e Gazas prej autoriteteve izraelite nëpërmjet kufirit në Kerem Shalom, të cilin palestinezët e quajnë Kerem Abu Salem. Kjo ishte dërgesa e parë e futur në vend në mënyrë legale pasi në të shkuarën përdoreshin tunelet ilegale në kufi me Egjiptin. Në muajt e fundit Izraeli ka zbutur bllokadën e tij ndaj palestinezëve të Gazas, çka u vlerësua edhe në raportin më të fundit të autoriteteve, që publikuan se ekonomia e rajonit u rrit me 16% në gjysmën e parë të 2010-ës. Megjithatë statistikat tregojnë se 37% e palestinezëve në Rripin e Gazas janë të papunë, një shifër kjo ndër më të lartat në glob.