Irina Shayk ishte në mesin e shumë personazheve të njohur të cilët parakaluan në tapetin e kuq të “Audi Night”. Bukuroshja ruse, që ditë më parë festoi ditëlindjen e 30, ishte veshur me një fustan të kuq.
Ish-ylli i kopertinave të “Sports Illustrated”, që është në lidhje me aktorin amerikan Bradley Coopper që nga prilli i vitit të kaluar, është duke kaluar një moment të mirë.
Revista e njohur “Vogue” ka duartrokitur rritjen profesionale te ruses pas lëvizjes në pasarelat e “Javës së modes njujorkeze”.
Gwenyth Paltrow, Lena Gercke, Gregory Porter, Luke Evans, Jason Statham, Ann-Kathrin Brommel dhe Mario Gotze ishin të ftuarit e tjerë në “Audi Night”.
Ndërkohë, gjatë ditës, Irina dhe personazhet e tjerë shijuan një xhiro ne malet me dëborë për të përjetuar eksperiencën me makinat më të mira të Audit.
