Iran – Ahmedinejad betohet si president pas 26 korrikut

“Fatmirësisht ne nuk kemi hasur asnjë provë domethënëse qëtregon manipulim apo parregullsi në zgjedhjet presidenciale. Kështu që nuk ka asnjë arsye përse këshilli të vendosë anullimin e zgjedhjeve. Parregullsitë që kanë ndodhur përpara ditës së zgjedhjeve nuk janë objekt hetimi për Këshillin e Gardianëve”, tha zëdhënësi për shtyp i këshillit Abbas Ali Kadkhodaei. Ndërkohë mësohet se presidenti Ahmedinejad i rizgjedhur më 12 qershor do të betohet si president i Iranit në fund të korrikut ose 20 ditëshin e parë të Gushtit. “Betimi i presidentit Mahmoud Ahmedinejad për mandatin e tij të dytë si president do të bëhet mes datave 26 korrik dhe 19 gusht”- njofton agjensia e shtypit iranian. Ahmedinejad fitoi me 63% në zgjedhjet e 12 qershorit të akuzuara nga lideri opozitar Mir Hosein Moussavi si të parregullta dhe të manipuluara.