Indonezi – 272 të vdekur nga cunami

Lajmin e bëjnë të ditur autoritetet lokale, sipas të cilave në ishujt Mentauai 412 persona rezultojnë ende të zhdukur. Cunami u shkaktua nga një tërmet i fuqishëm 7.7 ballë që tronditi dy ditë më parë zonën perëndimore të Sumatrës. Autoritetet deklarojnë se u bënë gabime me një sistem alarmi që duhet të lajmëronte specialistët për ardhjen e dallgëve 3 metra të larta. Presidenti i Indonezisë ka shkurtuar ditët e vizitës së tij në Vietnam, për të vizituar ishujt e prekur dhe për të mbikëqyrur operacionet e shpëtimit. Susilo Bambang Yudhoyono ka deklaruar se do të kthehet në vend nga një takim me liderët rajonalë për të ndihmuar në menaxhimin e situatës.