Komisioni parlamentar hetimor mbi çështjen e marrjes së të dhënave në serverin e tatimeve është mbledhur pas disa dështimeve radhazi dhe ka përcaktuar rregulloren dhe ndryshimin e planit të hetimit.
Një nga dëshmitarët e parë që do të thirren do të jetë ish ministri i Financave Shkëlqim Cani dhe sekretarja e Përgjithsme e kësaj ministrie, Gelardina Prodani, të cilët të martën duhet të jenë përpara komisionit.
Hetimi parlamentar mbi çështjen e marrjes së të dhënave nga serveri i tatimeve nëntorin e 2013 është kërkuar me forcë nga Partia Demokratike. Sipas saj në mënyrë të jashtligjshme janë marrë të dhënat e bizneseve dhe qytetarëve nga persona të pa autorizuar.
Puna e komisionit ka nisur që në janar të 2015 por për shkak të mungesës së kuorumit të deputetëve dhe hapësirave procedurale hetimi nuk ka nisur ende.
