Modelja e njohur, Hailey Bieber, ka tërhequr vëmendjen e ndjekësve në rrjetet sociale pasi publikoi disa foto me bikini në Instagram.
29-vjeçarja u shfaq në formë të shkëlqyer teksa po pushonte në rezidencën e saj, e veshur me bikini të verdha, duke shkruar në përshkrim: “Është verë”.
Përveç fotografisë me rroba banje, Hailey ndau edhe një pamje nga brendësia e shtëpisë që ndan me bashkëshortin e saj, këngëtarin Justin Bieber, shkruan DailyMail.
Ndërkohë, në një intervistë në podkastin “SHE MD”, Hailey foli edhe për jetën personale, duke treguar se shtatzënia me djalin e saj Jack Blues Bieber ishte një surprizë për të dhe bashkëshortin e saj.
Ajo tregoi se më parë ishte diagnostikuar me një gjendje mjekësore të quajtur septum uterin, e cila mund të sjellë komplikime gjatë shtatzënisë.
Megjithatë, pavarësisht kësaj, ajo mbeti shtatzënë në mënyrë të papritur.
