Gigi Hadid është bërë e famshmja e fundit që u largua nga Twitter pasi miliarderi Elon Musk përfundoi marrëveshjen e tij prej 44 miliardë dollarësh për të blerë Twitter javën e kaluar. Modelja e njohur njoftoi se do të largohet nga Twitter, duke e quajtur faqen e mediave sociale një “gropë e urrejtjes dhe fanatizmit”.
27-vjeçarja zbuloi në Instagram se çaktivizoi llogarinë e saj në Twitter mes pushimeve masive nga puna.
“Për një kohë të gjatë, por veçanërisht me udhëheqjen e saj të re”, shkroi Hadid për Musk, “po bëhet gjithnjë e më shumë një gropë e urrejtjes dhe fanatizmit dhe nuk është një vend ku dua të marrë pjesë”.
Ajo i ka kërkuar falje fansave të saj në platformë, duke shkruar se i pëlqente të lidhej me ta.
Twitter pushoi afërsisht gjysmën e fuqisë punëtore gjatë së premtes me një email drejtuar stafit duke shpjeguar se shkurtimet ishin “të nevojshme për të siguruar suksesin e kompanisë”.
Toni Braxton më parë njoftoi se do të qëndronte larg faqes së mediave sociale gjithashtu.Shonda Rhimes, Sara Bareilles dhe Tea Leoni gjithashtu u larguan nga Twitter në Tetor.
