George Clooney nuk do të merret me politikë

George Clooney ka thënë për Sky News se nuk dëshiron të kandidojë për ndonjë post politik, pavarësisht zërave që kanë qarkulluar kohët e fundit.
Aktori ka mbështetur kandidaten për presidente Hillary Clinton ndërsa martesa me avokaten e të drejtave njerëzore, Amal Alamuddin, vetëm sa i ka shtuar më tepër thashemet lidhur me këtë.
Duke folur në premierën e filmit të tij më të ri, “Tomorrowland”, George ka thënë se preferon që të jetë një vëzhgues i vëmëndshëm.
“Sa herë gazetarët më pyesin unë u them që nuk kam ndër mend të merrem me politikë por sërish ata shkruajnë se kjo gjë do të ndodhë”, ka thënë Clooney për Sky News.