Gaza – Izraeli kryen sulme ajrore

Ushtria izraelite ka kryer mbrëmë katër sulme ajrore në tunelet që mendohet se shërbejnë për kontrabandim midis Rripit të Gazës dhe Egjiptit, duke u përgjigjur ndaj sulmeve raketore palestineze në jug të Izraelit, ka deklaruar një zëdhënës i armatës izraelite. Sipas tij, sulmet janë kryer në afërsi të qytetit të Rafës, në jug të Rripit të Gazës, si përgjigje ndaj sulmeve palestineze në territorin Izraelit. Palestinezët i kanë konfirmuar sulmet ajrore, që sipas tyre, nuk kanë shkaktuar viktima.