Alketa Vejsiu është një ndër moderatoret më të mira dhe më të dashura për publikun shqiptar, i cili i ka qëndruar pranë që nga fillimet e karrierës si folëse në radio e deri tek programet dhe show-t më të fundit. Edhe pse ka zgjedhur të ruajë një profil peronal përsa i përket ekspozimit të familjes në rrjete sociale, nuk mund të themi të njëjtën gjë për organizimet e saj apo fotografitë nga pushimet, programet që drejtoni apo përditshmëria. Në çdo dalje të saj publike, si në ekran ashtu edhe në rrjetet sociale, e kemi parë të kuruar deri në detaje dhe shpesh herë kërkon mendimin e fansave për pamjen e saj. Së fundmi në një prej fotove të postuara në Instagram, një nga ndjekësit i ka vënë në dukje këmbët e saj me “defekt” dhe moderatorja s’vonoi t’ja kthente në mënyrën më motivuese të mundshme.
“Jam shumë krenare për to se kam qenë ”Beni ecën vetë” kur shumë të tjerë s’ishin ngritur në këmbë ende. Ndaj, janë si janë, janë aleatet e mia më të mira në një rrugëtim të gjatë, por të mrekullueshëm. Kanë shkelur rrugë me gunga, pa asfalt, kanë ngjitur e zbritur shkallë. Vazhdojnë të pedalojnë në biçikletë drejt ëndrrash të reja…Faleminderit për vërejtjen, por s’i ndërroj dot. (Dhe nëse do të dish të vërtetën, më pëlqejnë shumë kur i shoh në pasqyrë!)”- shkruan Alketa dhe s’mund t’i jepte përgjigje më të mirë se kjo./Living
