Ka nisur me një “aksident” dhe ka vijuar me një largim nga programi e hëna e kësaj jave për “Your Face Sounds Familiar”. Bëhet fjalë për këngëtarin korçar Endri Prifti, i cili në përfundim të performancës së tij, ka thënë se kjo ishte dalja e tij e fundit në këtë program pasi nuk do të jetë në finalen e javës së ardhshme. Alketa ka sqaruar për shikuesit se, edhe pse kjo nuk ishte bërë publike nga organizatorët, dihej që Endri nuk do të ishte në finalen e programit pasi ka angazhimet e tij profesionale, koncerte të programuara që më herët. Kështu, finalja e “Your Face Sounds Familiar” do të mbyllet me 6 konkurrentë, pas një maratone prej 12 javësh.
Advertisement
