Modelja australiane Elle Macpherson së fundmi ka befasuar ndjekësit e saj me trupin e saj mahnitës teksa është rreth të gjashtëdhjetave. Në një video të postuar në Instagramin e saj, Macpherson shihet duke pozuar me bikini dhe një pulovër. Modelja ia atribuon formën e saj të shkëlqyer stërvitjes dhe meditimit të rregullt.
Macpherson shkroi në Instagram se kujdeset për mendjen, trupin dhe shpirtin e saj duke praktikuar ushtrime të frymëmarrjes dhe meditim për rreth 25 minuta çdo ditë. Ajo përmendi gjithashtu dëgjimin e një instruktori ose meditimin në heshtje. “Kur bëhet fjalë për ndërgjegjësimin… Unë kujdesem për mendjen, trupin dhe shpirtin tim çdo ditë me praktikë të frymëmarrjes dhe meditim”, ka shkruar supermodelja australiane në postimin e saj, duke etiketuar fotografin Adam Kenëorthy. “Praktika ime e përditshme përfshin meditimin në mëngjes për rreth 25 minuta, qoftë i drejtuar, ose në heshtje”.
“Unë përpiqem ta jetoj jetën time në mes të një lidhjeje të vazhdueshme medituese dhe jo vetëm në kohë të caktuara?” Elle së fundmi ka diskutuar edhe për zakonet e saj të shëndetit dhe mirëqenies, “Më pëlqen të jem jashtë dhe të lidhem me natyrën. Unë zgjedh aktivitetet ku jam jashtë, sa më shumë që të jetë e mundur me natyrën, ecje, me biçikletë, not ose thjesht ulur në ajër të pastër dhe rrezet e diellit”, tha Macpherson për rutinën e saj të stërvitjes.
“Preferoj ushqimet e bëra në shtëpi me dashuri, me ata që dua”. Sipas 58-vjeçares, praktikat e bukurisë dhe mirëqenies duhet të përshtaten në bazë të nevojave personale. Macpherson filloi karrierën e saj të modelingut në vitet 1980, duke u shfaqur në Sports Illustrated dhe më vonë duke luajtur në filma si “Sirens”, “The Mirror Has Tëo Faces” dhe “Batman and Robin”.
Ajo gjithashtu u shfaq në serialin televiziv “Friends” dhe është pronare e linjës së të brendshmeve “Elle Macpherson Intimates” dhe linjës së kujdesit të lëkurës “The Body”. Në përgjithësi, është e qartë se përkushtimi i Macpherson ndaj ushtrimeve të rregullta dhe meditimit ka dhënë rezultat, duke e lejuar atë të mbajë një figurë fantastike edhe në dekadën e saj të gjashtë.
