Einxhel Shkira është shtatzënë për herë të dytë. Lajmin e bukur e zbuloi vetë ajo përmes një postimi në “Instagram”, ku shfaqet së bashku me partnerin e saj, Dagz dhe djalin e tyre, Trev.
“Tre vite nga dita që u bëmë dy dhe sot të tre presim të bëhemi katër”, shkruan Einxhel krahas videos, ku zbulon edhe barkun e rrumbullakosur.
Einxhel dhe Dagz u njohën në “Big Brother VIP”, edicioni i parë dhe vijuan lidhjen e tyre edhe jashtë këtij formati. Vetëm disa muaj pas nisjes së historisë së dashurisë mes tyre, dyshja njoftuan shtatzëninë e parë të Einxhel, e cila solli në jetë Trev. Ndërkohë, nuk dihet ende gjinia e bebit të saj të dytë.
Sa i përket anës profesionale, Einxhel është pjesë e panelit “Goca dhe Gra”, ku u rikthye pas një shkëputjeje të gjatë nga ekrani pas ardhjes në jetë të Trev.
