“Kam dalë edhe me meshkuj të rinj dhe me meshkuj mbi të 40‐at, dhe mendoj se këta të fundit më kuptojnë më mirë. Për momentin jam single, sepse nuk është e drejtë të kesh një lidhje kur nuk je e vendosur në një vend. Jam duke dalë me meshkuj, por asgjë serioze”,‐ ka thënë Joss për britanike YOU.
Joss gjatë intervistës për YOU ka rrëfyer dhe se nuk i vinte aspak keq për prishjen e kontratës me shtëpinë diskografike e si rrjedhojë humbjes prej 1 milion Pound. “Janë thjesht para. Kam qenë mjaftueshëm në këtë biznes për të kuptuar se çfarë është e rëndësishme e çfarë jo. Biznesi muzikor ka ndryshuar kaq shumë. Çdo gjë ka lidhje me produktin dhe biznesin. Një ditë kur po flisja me Roger Daltrey më tha se i vinte keq për bresin tim të muzikantëve. ‘Kur isha në moshën tënde gjithçka bënim ishte të hipnim në skenë dhe këndonim. Në kohët e sotme ju duhet të shkoni nëpër takime dhe kjo nuk është muzika’,- më tha ai. Dhe është e vërtetë, sot gjithçka bëhet për para, dhe mua nuk më bëhet vonë për to, për aq kohë sa kam mjaftueshëm për të jetuar”,‐ ka mbyllur rrëfimin e saj Joss Stone.
