Falë kërkuesve të Universitetit të Washingtonit dhe Aalto të Finlandës jemi tashmë një hap përpara drejt integrimit të informacionit në kohë reale. Në fakt shkencëtarët kanë projektuar prototipin e parë të lenteve të kompjuterizuara, në të cilat mund të shohim informacione virtuale. Sistemi nuk përbën rrezik për kornenë e syrit dhe as për organizmin e tashmë është testuar tek kafshët. Lentja për momentin përmban vetëm një pixel, por është treguar se koncepti për të cilin po flasim funksionon. Kjo mund të çojë tek lentet e kontaktit me të cilat mund të bëhet i mundur p.sh. leximi i e-mailit apo do të jetë e mundur të kontrollohen parametrat mjekësorë si p.sh. niveli i glukozës, kjo duke lidhur në trupin e përdoruesit disa biosensorë.
Kërkuesit po përpiqen që të përmirësojnë dizajnin e antenës dhe të optimizojnë frekuencat e transmetimit për të fuqizuar sistemin wireless, që për momentin lejon përdorimin e lenteve me shumë pak centimetra distancë nga bateria. Hapi i radhës do të jetë projektimi i mesazheve të shkruar në lente. Kërkuesit kanë pohuar se rruga që duhet përshkuar është ende shumë e gjatë, por padyshim ky është një fillim i mirë.
