Kryeministri Edi Rama e konsideroi sot hyrjen e Deutche Telekom në Shqipëri si një progres më vete dhe risi në shërbimet e ofruara.
Gjatë fjalës së tij në prezantimin për herë të parë të identitetit të ri të kompanisë AMC, Kryeministri Rama theksoi se “Deutche Telekom është një shenjë domethënëse e progresit”.
Sipas tij, ky projekt bën të mundur një avancim të madh në tekonologjinë e informacionit.
AMC nuk do të mbajë më emrin me të cilin ka qenë në treg për 20 vjet, por do të quhet “Telekom Albania”. Duke nisur nga data 23 Korrik, kompania do të operojë nën brandin e Grupit Deutsche Telekom, duke sjellë në Shqipëri vlerat që ky grup mbart ku përfshihen Inovacioni, Kompetenca dhe Thjeshtësia.
Deutsche Telekom është një prej brandeve më të çmuara europiane në sektorin e telekomunikacionit botëror dhe gjithashtu lider në shërbimet e integruara. Duke u bërë pjesë e kësaj familjeje të madhe, kompania do të sjellë standardet në treg përmes ofrimit të produkteve dhe shërbimeve inovatore.
