Deklarata e papritur e Papa Françeskut: “Homoseksualët duhet të krijojnë familjen e tyre”

Një deklaratë e papritur ka ardhur nga Papa Françesku, i cili ka thyer tabu gjatë një interviste për dokumentarin “Francesco” të regjisorit amerikan Evgeny Afineevsky. Papa ka mbështetur publikisht homoseksualët, duke u shprehur se ata kanë të drejtë të krijojnë familjen e tyre.

“Njerëzit homoseksualë kanë të drejtë të qëndrojnë në familje. Ata janë fëmijë të Zotit. Ne kemi nevojë për një ligj për t’u dhënë atyre mbrojtje ligjore”, u shpreh Papa. Kjo është hera e parë në historinë e Vatikanit që Papa mbështet bashkimin mes seksit të njejtë. Një temë kjo, që pritet të sjellë diskutime të shumta. Në periudhën kur Papa Françesku shërbeu si Kryeshkop i Buenos Aires, ai miratoi sindikatat civile për çiftet homoseksualë si një alternativë ndaj martesave të të njëjtit seks. Megjithatë, ai nuk kishte folur kurrë në favor të tyre.