Kandidati socialist për Bashkinë e Durrësit, Vangjush Dako, ka vijuar takimet në Manzë. Kush investon mbi 1 milion euro në bujqësi me projekte serioze dhe punëson mbi 30 punonjës do ta ketë zero taksën vendore për tre vjet.
Ky ka qenë premtimi i z. Dako gjatë vizitës në një fermë të rritjes e mbarështimit të lopëve.
Dako u bëri thirrje sipërmarrësve të investojnë në bujqësi, si dhe të fokusohen tek vreshtaria dhe ullinjtë, kultura tradicionale të zonës.
Në Sukth, kandidati Dako u angazhua për të vënë në funksion rezervuarin e Tarinit përmes një fondi prej 10 milionë lekësh, rezervuar që do të zgjidhë problemin e vaditjes së tokave bujqësore.
Dako siguroi fermerët se gjatë periudhës janar-shkurt 2016 do të shpërndahen edhe certifikatat e pronësisë së tokës, pas një mungese 20-vjeçare, duke realizuar një nga kërkesat kryesore të banorëve.
Për të garantuar tregun e produkteve bujqësore, Dako premtoi se do të hapet një pikë qendrore grumbullimi për të gjithë zonën, pikë që do të lehtësojë ndjeshëm nxjerrjen të treg të produkteve bujqësore për fermerët.
