Pak rëndësi ka nëse janë në një ishull apo duke ecur rrugëve të qytetit. Tashmë personazhet e famshëm ecin nëpër rrugë me dëshirën e zjarrtë për të qënë këmbëzbathur. Yjet e showbiz-it Gwen Stefani, Amy Winehouse, Lilly Allen e shumë të tjerë janë fotografuar teksa ecin rrugëve zbathur teksa bëjnë pazar apo blejnë një gazetë rrugëve të Los Angeles-it. për Shakirën është bërë tashmë si një vulë performanca këmbëzbathur sa herë ngjitet në skenë. Ky fenomen është quajtur barefooting. Një mënyrë dhe modë e vërtetë që zbulon një nga pjesët më sensuale të trupit të femrës, këmbët. Po ju a do të dilnit këmbëzbathur në qytetin tuaj, apo do t'i druheshit gjykimit të kalimtarëve?
