Bobbi Kristina do t’i kalojë ditët e fundit në shtëpi

Bobbi Kristina Brown pritet që të transferohet në shtëpi, për të kaluar ditët e fundit të jetës me familjen e saj.
Vajza e të ndjerës, Whitney Houston nuk ka treguar asnjë shenjë përmirësimi që kur u gjet pa ndjenja në vaskë, 4 muaj më parë.
22-vjeçarja është zhvendosur nga spitali, megjithatë ajo vijon të mbahet në jetë nëpërmjet aparaturave në një qendër rehabilitimi.
Sipas “Dailystar”, që citon mediat amerikane, Bobbi shumë shpejt do të transferohet në banesën e saj, në mënyrë që ditët e fundit të jetës, t’i kalojë e rrethuar nga familjarët, duke shuar kështu njëherë e përgjithmonë shpresat për një rikuperim të mundshëm.