Aktori Ben Affleck pas divorcit nga Jennifer Garner, nisi jetën e re me diven e muzikës pop Jennifer Lopez, por dy ish-bashkëshortët mbeten në marrëdhënie të mira.
Kjo shihet edhe nga takimet e tyre, të kapura edhe nga objektivi i paparacëve, të cilat vazhdojnë normalisht edhe pas martesës së tij me Lopez.
Arsyeja që dy aktorët po takohen ka të bëjë me fëmijët që kanë së bashku. Megjithatë, takimi i tyre i radhës po diskutohet shumë në mediat rozë.
Mediat kanë publikuar foto ku Garner është ulur në sedilen e pasme të makinës, ndërsa vajza e tyre më e vogël, Serafina, është pranë Ben Affleck në sediljen e pasagjerit.
Aktori mbështetet në shpatullën e ish-bashkëshortes së tij pak para se ajo të zbresë nga makina dhe ata i thonë mirupafshim njëri-tjetrit me një përqafim.
