Apple prodhuesi i katërt

Sipas raportit Worldwide Quarterly Mobile Phone Tracker, publikuar nga shoqëria e specializuar IDC, në tremujorin e tretë të 2010-ës janë shitur rreth 340.5 milionë telefona celularë, krahasuar me 297.1 milion të së njëjtës periudhë në vitin e kaluar. Këtë numër e ka rritur ndjeshëm shitja e smartphone-ve dhe këtë e dëshmon më së miri dhe prezenca e Apple në klasifikimin e pesë prodhuesve kryesorë. Sipas analistëve të IDC nëse kompanitë prodhuese do të duan të mbajnë të njëjtat kuota në treg, do të jenë të detyruara që në muajt në vijim të rinovojnë dhe zgjerojnë gamën e smartphone-ve.