Alec Baldwin e ka konsideruar vrasjen fatale të shoqes së tij Halyna Hutchins “një në një trilion ngjarje”.
Alec Baldwin, 63 vjeç, dhe gruaja e tij Hilaria Baldwin, 37 vjeç, folën për kamerat për herë të parë që nga vrasja fatale e kineastes Halyna Hutchins në xhirimet e filmit “Rust”. “Është një hetim aktiv për sa i përket vdekjes së një gruaje, ajo ishte shoqja ime,” u tha Alec gazetarëve.
“Ne ishim një ekip shumë, shumë i mirë që xhironim një film së bashku dhe më pas ndodhi kjo ngjarje e tmerrshme,” vazhdoi ai. “Ka aksidente të rastësishme në sete filmike herë pas here, por asgjë si ky. Ky është një episod një në një trilion.”
Alec vuri në dukje se ai ishte “jashtëzakonisht i interesuar” në kufizimin e përdorimit të armëve të zjarrit në xhirime pas të shtënave fatale.
“Por kujtoni, sa plumba janë qëlluar në filma dhe shfaqje televizive në 75 vitet e fundit. Kjo është Amerika,” tha ai. “Sa plumba janë përdorur në filma dhe në televizione më parë? Sa miliarda në 75 vitet e fundit? Dhe pothuajse të gjitha pa incidente. Pra, çfarë duhet të ndodhë tani është se ne duhet të kuptojmë se kur shkon keq dhe kjo është gjë e tmerrshme, katastrofike, duhet të merren disa masa të reja. Armë gome, armë plastike, pa plumba – pa armatim të vërtetë në shesh.”
Më 21 tetor, aktori po filmone disa skena për filmin “Rust” në New Mexico, kur ai shprepi një armë. Halyna ndërroi jetë pas incidentit, ndërsa regjisori, Joel Souza, u plagos.
