Kris Jenner ka pësuar një aksident me makinë, në afërsi të shtëpisë së saj në Calabasas. Aksidenti ka ndodhur si pasojë e përplasjes me një tjetër automjet i cili kishte kaluar me semafor të kuq. Përplasja ka qenë aq e fuqishme sa thuhet se Kris mund të ketë thyer dorën. Ashtu si dhe mund të shihet në fotot e postuara në media automjeti me të cilin ajo udhëtonte, një Rolls Royce me vlerë 250 mijë dollarë, ëshët shkatërruar plotësisht. Të bijat e Jenner kanë mbërritur shpejt në vendngjarje për të qenë pranë menaxheres, e cila u nxorr me vështirësi nga automjeti nga ekipet mjekësore të cilët nuk donin të rrezikonin shëndetin e saj. Më vonë Kylie shkroi një status në Twitter duke u shpjeguar ndjekësve se ka qenë nëna e saj që është përfshirë në aksident, por fatmirësisht është mirë me shëndet.
