Afganistan – Abdullah, kanë ndodhur vjedhje votash

Deklarata është bërë nga ish-ministri i Jashtëm, Abdullah, rivali kryesor i presidentit Hamid Karzai në zgjedhjet e 20 gushtit. “Raportet që kemi marrë lidhur me zgjedhjet janë alarmante. Ne kemi prova për vjedhje masive votash gjatë procesit”, ka deklaruar Abdullah gjatë një konference për shtyp në Kabul. Pak më parë e përditshmja “Afghanistan Times” njoftoi se presidenti Karzai ka fituar zgjedhjet dhe se nuk ka nevojë për balotazh.