Donaldi e çoi deri në fund ‘misionin’ e tij në “Big Brother VIP” duke arritur deri në finale e duke marrë vendin e dytë në reality-show, ndërsa jashtë shtëpisë e priti një famë e madhe.
Ende vazhdojnë të komentohen në media e rrjete sociale konkurrentët e edicionit të parë të “Big Brother VIP”, ndërsa po flitet se konkurrent i këtij edicioni të dytë mund të bëhet vëllai i Donaldit, Romeo.
“Kryefjala” shkruan se dy motrat, Lori dhe Sara Hoxha kanë qenë së fundmi në bisedime me Romeon për ta bindur të futet në garë, mirëpo ky i fundit nuk ka pranuar. Kjo për shkak të përparësisë në lojë që ka tashmë Luiz Ejlli.
Artisti u kthye në fenomenin e këtij “Big Brother-i” dhe jo vetëm, që numëron miliona mbështetës shqiptarë, ndaj duket se askush s’dëshiron të dalë përballë tij në këtë pikë të lojës.
Luizi është kthyer në “Billion guy”, pra personin që numëron për herë të parë miliarda klikime. Për këtë arsye, deri tani duket se Romeon s’do ta shohim në këtë edicion të dytë të “Big Brother”.
Pas përfundimit të edicionit të parë, dy vëllezërit shijuan suksesin e vëmendjen e publikut, duke ardhur në “Top Channel” edhe me një emision Prime Time, që u titullua “Më lër të flas”, si shprehja e famshme e Donaldit brenda shtëpisë së “BBV”.
