Këngëtari/autori legjendar e feston ditëlindjen ndërkohë që përgatitet të hyjë në Rock & Roll Hall of Fame në muajin Mars, teksa ka bërë 50 vite karrierë në botën e showbiznesit. Së fundmi artisti ka deklaruar se është i kënaqur që nuk i është dashur të shfaqet në një talent show, për t’ja dalë mbanë. “American Idol nuk është tipike për njerëzit që duan të bëhen pjesë e biznesit muzikor. Të rinjtë e sotëm kanë shansin të shfaqin talentin e tyre përpara miliona njerëzve dhe kjo është shumë e frikshme. Unë për vete nuk do kisha dashur t’a bëja, të paktën jo në fillim të karrierës sime. E vetmja këshillë që mund t’u ofroj njerëzve është të duan atë që bëjnë. Duajeni punën tuaj dhe përgatituni që të punoni shumë, shumë, shumë. Me punë dhe me pak fat mund të krijoni muzikën tuaj dhe t’a dëgjojë e gjithë bota“,- ka thënë Diamond për Fox News.
