Eddie Murphy thotë se nuk pret që të fitojë çmime, por do të pranonte me shumë gëzim një Oskar nderi kur të jetë 90 vjeç.
Murphy është një nga yjet më të mëdhenj të komedisë pasi u shfaq për herë të parë në Saturday Night Live në vitin 1980 dhe më pas në filma të panumërt gjatë karrierës së tij.
Në një intervistë me Sky News, ai tha se nderimi me çmime nuk ka pasur kurrë rol në projektet që ka zgjedhur.
“Filmat janë pa kohë dhe janë të veçantë ndaj për vite e vite ata shihen dhe kanë sukses komercial. Ti bën shumë para dhe njerëzit e pëlqejnë, kështu që as mos e mendoni ‘nuk fitova një trofe!’ Reagimi nga njerëzit dhe ecuria e filmit, ky është trofeu”, tha ai.
Më pas shton: “E dini çfarë kam fituar gjatë këtyre viteve? Një ditë, do të më japin një nga ata Oskarët e nderit. Kur të jem shumë plak. Dhe unë do të them faleminderit shumë për këtë nderim të madh. Do të jem plak dhe s’do të kem dhëmbë. Do të më pëlqente ta merrja Oskarin e nderit kur të jem 90 vjeç.”
Së fundmi, Murphy është protagonist në komedinë “The Pickup” krah Keke Palmer dhe Pete Davidson.
64-vjeçari është nominuar vetëm një herë për çmim Oskar, në vitin 2007. Sipas Palmer, filmi “The Nutty Professor” ishte një demonstrim i vërtetë i mjeshtërisë së aktorit.
Murphy u shpreh se ende nuk arrin ta besojë atë që arritën në atë film ku ai luajti shtatë personazhe të ndryshme:
“Mund të xhirosh një personazh në ditë. Pjesën tjetër të xhirimeve, flas me topat e tenisit ku ishin ulur njerëzit”, kujton ai.
Në vitin 1997, filmi fitoi çmimin e Academy Awards për grimin më të mirë.
