Vendi ynë ka shënuar rritje të ndjeshme të rasteve me COVID në 24 orët e fundit.
Festat e fundvitit kanë sjellë rritje të infektimeve në vendin tonë. Mijëra emigrantë erdhën në Shqipëri për të takuar të afërmit, apo për të kaluar pushimet dimërore në disa prej vendeve turistike.
Gjithashtu edhe një pjesë e shqiptarëve udhëtuan drejt vendeve të tjera për të kaluar pushimet, edhe pse jemi përfshirë në një valë infektimesh në të gjithë botën.
Nga 5,694 testime kanë rezultuar pozitivë me COVID19 1,236 qytetarë.
584 janë në Tiranë, 68 në Shkodër, 62 në Durrës, 59 në Elbasan, 45 Vlorë, 42 në Fier, 40 në Sarandë, 32 në Lushnje, 28 në Lezhë, 26 në Kamëz, 19 në Gjirokastër, 15 në Berat, 14 në Mallakastër, Korçë, 11 në Vorë, Mat, Pogradec, 10 në Vau i Dejës, Kurbin, Tepelenë, Skrapar, 9 në Përmet, 8 në Himarë, 7 në Kuçovë, Belsh, 6 në Dibër, Divjakë, Dimal, Peqin, Gramsh, 5 Pukë, 4 në Malësi e Madhe, Kukës, Patos, Këlcyrë, Prrenjas, 3 në Tropojë, Shijak, Krujë, Kavajë, Poliçan, 2 në Rrogozhinë, Delvinë, 1 në Has, Mirditë, Klos, Selenicë, Dropull, Memaliaj, Maliq, Kolonjë, Librazhd, Cërrik.
7,952 persona janë aktivë me COVID19 në të gjithë vendin.
Aktualisht në spitalet COVID po marrin trajtim 107 pacientë, nga të cilët 15 anë në gjendje më të rënduar. Me gjithë përpjekjet e mjekëve, në 24 orët e fundit ka katër humbje jete, një qytetar nga Elbasani 58 vjeç, dy qytetarë nga Vlora 73 dhe 83 vjeç, një qytetar nga Tirana 76 vjeç.
Janë shëruar 329 qytetarë gjatë 24 orëve të fundit, duke e çuar numrin e të shëruarve në 202,077 që nga fillimi i epidemisë.
Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku.
Ministria këshillon që të shmangen grumbullimet dhe të ajrosen ambientet, për të kufizuar përhapjen e Covid-19.
Kujtojmë se vendosja e maskës është e detyrueshme në çdo ambient të mbyllur në vendin tonë.
Statistika (05 Janar 2022)
Raste të reja ditore 1,236
Të shëruar në 24 orë 329
Të shtruar në spitale 107
Humbje jete në 24 orë 4
Testime ditore 5,694
Testime totale 1,500,696
Raste pozitive 213,257
Raste të shëruara 202,077
Raste Aktive 7,952
Humbje jete 3,228
Shpërndarja gjeografike e rasteve aktive sipas qarqeve:
Tiranë 3,761
Fier 789
Durrës 708
Shkodër 531
Elbasan 509
Vlorë 494
Berat 312
Gjirokastër 260
Lezhë 228
Korçë 161
Dibër 124
Kukës 75
