Festivali i Filmit në Venecia po planifikon një program më pak shkëlqimtar për edicionin 2020, kryesisht për shkak të ndërprerjeve të shkaktuar nga koronavirusi i ri në industrinë e kinemasë.
Sidoqoftë, regjisori Alberto Barbera tha se thelbi i festivalit ishte ruajtur, ndërsa pranoi se është e vërtetë, do të jetë ndoshta një festival pak më i vogël.
Programi zyrtar numëron 62 filma, duke përfshirë 18 kandiduar për çmimin më të lartë të “Luanit të Artë”.
Barbera tha se një prej filmave në konkurrim, “Nomadland” nga Chloe Zhao, me aktoren Frances McDormand, tashmë ishte pretendent edhe për çmimin Oskar të vitit të ardhshëm.
Në konkurrimin kryesor, mjeshtri rus Andrei Konçalovski po prezanton “Dear camarads” mbi një masakër ndaj punëtorëve në një fabrikë në Bashkimin Sovjetik, ndërsa Gianfranco Rosi, i kaluar fitues i Venecias me “Fuocoammare”, po prezanton një dokumentar mbi Sirinë të quajtur “Notturno”.
