Kanada – G8 diskuton për Iranin

Takimi dy-ditor në qytetin Gatino të Kuebekut vjen në kohën kur Shtetet e Bashkuara të Amerikës po u prijnë përpjekjeve për të vendosur një raund të katërt të sanksioneve të Këshillit të Sigurimit kundër Iranit. Po për një gjë të tillë atyre u nevojitet edhe akordi i Kinës, ndërsa javën e kaluar, një zyrtar i lartë kinez mori pjesë në një konferencë bashkë me pesë fuqitë tjera botërore për të diskutuar sanksionet, por takimi nuk rezultoi me marrëveshje.