Ajo mundi të fitonte 6 çmime, përfshirë atë të “Këngës së Vitit” dhe “Këngën më të Mirë R&B”, të dyja për këngën SINGLE LADIES (PUT A RING ON IT). E kandiduar në 10 kategori, Beyoncè ka vendosur një rekord për numrin më të madh të çmimeve të fituara në një vit për këngëtaret femra. Këto çmime e çuan në 16 numrin e çmimeve të fituara gjatë gjithë karrierës së saj. “Dua të falenderoj familjen time dhe bashkëshortin tim. Të dua”,‐ ka thënë Beyonce duke ju referuar padyshim Jay – Z.
Një prezencë speciale ishte ajo e fëmijëve të Michael Jackson Paris dhe Prince, të cilët morrën një Çmim në nder të Mbretit të Popit. “Mesazhi nëpër të gjithë këngët e tij ka qenë i thjeshtë e i qartë: dashuria. Në do të vazhdojmë t’a përhapim mesazhin e tij dhe të ndihmojmë botën”,‐ ka thënë Prince Michael. Fëmijët u ngitën në skenë pas një performance të këngës “Earth Song” me regjistrime të Michael shoqëruar nga performanca live e Celine Dion, Usher, Carrie Underwood, Smokey Robinson dhe Jennifer Hudson. Ylli i muzikës country, Taylor Swift fitoi 4 çmime midis të cilave dhe në kategorinë “Albumi më i mirë i Vitit”. Artistë të tjerë si The Black Eyed Peas, Jay – Z dhe Kings Of Leon fituan nga tre çmime, ndërsa Lady Gaga dhe Eminem fituan nga dy.
