Dasma e Princ Harry-t me aktoren Meghan Markle, muajt e fundit është kthyer padyshim si tema kryesore e mediave ndërkombëtare.
Para dasmës ishte kurioziteti i mënyrës si do të organizohej dasma, ndërsa tani pas saj, po komentohen ende të ftuarit që kanë tërhequr më së shumti vëmendje.
Mes 600 të ftuarëve, një ndër ata që u komentua është edhe kushëriri i princit, i cili rrëmbeu kuriozitetin e publikut dhe medieve, duke i bërë të gjitha vajzat të kthenin kokën kur ai kalonte.
24 vjeçari, Louis Spencer, është djali i vëllait të princeshë Dianës, Charles Spencer. Edhe pse është goxha i rezervuar për jetën personale, Lousi nuk mund t’i shpëtojë vëmendjes femërore, me paraqitjen e tij.
Kujtojmë që dhe motra e tij Lady Kitty Spencer nuk kaloi pa tërhequr vëmendje me bukurinë dhe paraqitjen e saj në dasmën mbretërore.
