Ka përfunduar me sukses një tjetër edicion i festivalit “Kënga Magjike”. Fituese e tij është shpallur këngëtarja Rozana Radi dhe kënga e saj “Ma thuaj ti”.
Por një tjetër pikë e fortë e këtij kompeticioni ka qenë edhe prezantimi. Në rrjetet sociale (aty ku zhvillohen debate apo jepen komente në lidhje me fenomenet sociale apo evente kulturore), princesha Elia Zaharia është komentuar pozitivisht.
E në fakt nuk kishte si të ndodhte ndryshe, pasi aktorja e njohur shqiptare tregoi shumë profesionalizëm në skenën e KM.
Të njëjtin mendim ndan edhe moderatori dhe producenti i festivalit Ardit Gjebrea, i cili përmes një postimi pak minuta më parë në Instagram shkruan se Elia do të mbetet e veçantë për të.
Edhe këtë vit (ashtu si çdo vit tjetër), intuita dhe zgjedhja e tij nuk gabuan…
