Presidenti amerikan, Barack Obama ka urdhëruar një rishikim të zbulimit të aktiviteteve kibernetike me qëllim të keq gjatë zgjedhjeve presidenciale amerikane, njoftoi dje në mbrëmje vonë Shtëpia e Bardhë.
Që prej muajit tetor, agjencitë amerikane të shërbimeve sekrete kanë fajësuar segmente të qeverisë ruse për ndërhyrje dhe sulme kibernetike kundër demokratëve dhe që atëherë, shqetësimi lidhur me tentativat e mundshme të Moskës për të ndikuar në zgjedhjet amerikane është rritur vazhdimisht.
“Shqyrtimi, që do të dorëzohet para se Obama të largohet nga detyra më 20 janar, po ekzaminon incidentet lidhur me piraterinë kibernetike, për të vërejtur aftësitë e SHBA-së dhe të arrihet një përfundim nga i cili mund të nxirren mësime”, deklaroi zëdhënësi i Shtëpisë së Bardhë, Eric Schultz.
Nuk është bërë e ditur se sa do të bëhet publike nga pjesa e shqyrtimit duke qenë se janë shtuar shqetësimet lidhur me informacionin sekret.
