Justin Bieber nxiti një diskutim tepër të madh në mediat online pasi shpërtheu në lot në fund të performancës së tij në “MTV Video Music Awards 2015”, e cila u organizua në Los Angeles më 30 gusht.
Por cila ka qenë arsyeja që këngëtari nisi të qante?!
Duket se nuk ka qenë asgjë serioze. Sipas një burimi pranë Bieber, arsyeja e lotëve ishte reagimi pozitiv që ai mori nga publiku.
Burimi ka deklaruar për “Gossip Cop”: “Ai ka punuar shumë jo vetëm për performancat e tij, por edhe veten. Ai nuk e dinte nëse njerëzit do e pranonin atë. Kur ai pa të gjithë publikun duke duartrokitur, ishte tepër i kënaqur”.
“Herën e fundit që ai ka qenë në një ceremoni çmimesh, nuk u pëlqye nga publiku ndërsa këtë radhë pati reagime pozitive. Kjo do të thotë shumë për të”, ka shtuar burimi.
