Rikthim në vitet ’90! ‘N Sync dhe Backstreet Boys janë grupet që do të ribashkohen me rastin e 40 vjetorit të Saturday Night Live, më 15 Shkurt.
Lajmi fillimisht u publikua në faqen zyrtare Twitter të ‘N Sync ku shkruhej “Sërish bashkë… Sa bukur është një ribashkim #SNL40”.
Edhe pse janë ndarë që në 2002, pjesëtarët e grupit Justin Timberlake, JC Chasez, Lance Bass, Joey Fatone, dhe Chris Kirkpatrick, e kanë ruajtur miqësinë.
Në 2013-ën ata u ribashkuan për të performuar në Video Music Award të MTV.
Ndërkaq BSB nuk janë ndarë nga fansat e tyre. Brian Littrell, A.J. McLean, Howie Dorough, Nick Carter, dhe Kevin Richardson publikuan albumin e tyre të tetë “In a World like this” në 2013.
Ende nuk dihet se çfarë do të përfshijë pjesëmarrja e grupeve në show, por e sigurt është prania e Justin Timberlake, i cili vetë ka bërë të ditur se po punonte me Jimmy Fallon për përgatitjen e spektaklit.
Pjesëmarrës të tjerë do të jenë Taylor Swift, Kanye West, Paul McCartney, Paul Rudd, James Franco, Derek Jeter, Betty White, Kerry Washington, Melissa MCarthy, dhe shumë të tjerë.
Gjithashtu nga ish-stafi i SNL pritet pjesëmarrja e Molly Shannon, Mike Myers, Amy Poehler, Adam Sandler, Chevy Chase, Seth Meyers, Kristen Wiig, Eddie Murphy, Tina Fey, Will Ferrell, Maya Rudolph, dhe Andy Samberg.
