Fëmijë të tjerë të paligjshëm

Përveç djalit dhjetë vjeçar, me ish shërbyesen Mildred Baena, “Terminatori“ duket të ketë lënë shtatzënë dhe dy gra të tjera, duke zgjeruar familjen zyrtare. Nga ish gruaja e tij Maria Shiver, Schwarzenegger ka katër fëmijë të tjerë. Mjaftueshëm për të shkruar në historinë e thashethemeve një pseudonim të ri: “Inseminator” apo “Ingravidator”, siç është quajtur tashmë në internetit. Lajmi për dy fëmijë të tjerë jashtë martese është dhënë nga aktorja Jane Seymour në një intervistë për CNN. Ish Zonja e Perëndimit me një të kaluar si një Bond Girl tha se në Malibu (L.A.) të gjithë e dinin jetën e dyfishtë të ish guvernatorit të Kalifornisë. “Kam dëgjuar për dy fëmijë të tjerë. Kam takuar një person që e njeh mirë dhe nuk jam e habitur nga ndarja me bashkëshorten”,- zbuloi Seymour. Deri më tani nuk ka patur asnjë koment nga protagonistët, të cilët tashmë kanë filluar praktikën e divorcit. Ndërkohë thuhet se ish gruaja e aktorit, për vite me radhë ka dyshuar për babain e fëmijës së shërbyeses së shtëpisë prandaj dhe ka kërkuar shpesh sqarime.