Cavalli është bërë baba në moshën 82-vjeçare.
Ai ka mirëpritur fëmijën e tij të gjashtë, i lindur nga lidhja me Sandra Nilsson me të cilën është i dashuruar prej 15 vitesh.
Këtë e zbuloi e përjavshmja Novella2000 , e cila zbuloi edhe emrin e zgjedhur për fëmijën: Giorgio.
“E quajta Giorgio, sipas babait tim, të cilin nazistët e qëlluan në masakrën e Cavriglias kur isha 4 vjeç”, shpjegoi Roberto Cavalli për Novella2000. Dhimbja e vdekjes së babait të tij në vitin 1944 ishte e madhe për stilistin, i cili zbuloi:
“Nuk kam folur deri në moshën 18-vjeçare. Por jeta ka qenë bujare me mua, më ka shpërblyer për gjithçka”.
Ai donte t’i bënte homazhe një figure kaq të rëndësishme në jetën e tij me emrin që i është vënë vogëlushit të tij të gjashtë, të lindur rreth një javë më parë.
Fëmijët e Roberto Cavallit- Giorgio është fëmija i gjashtë i Roberto Cavalli, i pari i lindur nga lidhja me Sandra Nilsson. Nga martesa e tij e parë me Silvanella Giannoni (që zgjati nga viti 1964 deri në 1974), ai pati Tommaso dhe Cristiana. Nga martesa e tij e dytë me modelen austriake Eva Demar në vitin 1980 (më vonë ajo u bë edhe bashkëpunëtore e tij në shtëpinë e modës) lindën Robin , Rachele dhe Daniele , tashmë të rritur. Me lindjen e foshnjës, dizajneri po përgatitet të përjetojë një rini të dytë në nivel personal, i cili shkon paralelisht me rilindjen e tij profesionale: marka e tij, tani nën drejtimin krijues të Fausto Puglisi, është kthyer në kreshtën e valë pas fazës së zbehjes së vitit 2016, me shkurtimin e 200 vendeve të punës.
Roberto Cavalli dhe Sandra Nilsson janë çift prej 15 vitesh: ai është 82, ajo 37. Në vitin 2015, si shenjë dashurie, Roberto Cavalli i dhuroi asaj ishullin Stora Rullingen, në Suedi, me vlerë rreth 2 milionë euro. Por asnjë dhuratë nuk do të jetë aq e rëndësishme për ta sa lindja e Giorgio-s së tyre të vogël.
