Një grua e cila ka qenë në një gjendje kome prej 10 vitesh, thuhet se ka lindur një fëmijë muajin e kaluar. Kjo ka sjellë dyshime të forta se ka të bëjë me një abuzim seksual. Ngjarja ka ndodhur në qendrën e infermierisë në zonën e Phoenix. Foshnja ka lindur më 29 dhjetor dhe është në gjendje të mirë. Gruaja thuhet se është një paciente në Hacienda Healthcare në Phoenix. Burimi i njohur me situatën i tha AZ Family se “asnjë prej stafit nuk ishte në dijeni se ajo ishte shtatzënë derisa lindi’. Nga ajo që bëhet me dije, mësohet se ajo ka rënkuar dhe ka qarë teksa po lindte fëmijën dhe infermierët nuk e dinin se çfarë po ndodhte. Burimi i tha “AZ Family” se pacientja kishte nevojë për kujdes të vazhdueshëm dhe se shumë njerëz kishin qasje në dhomën e saj. Dyshohet se gruan e kanë përdhunuar, duke qenë se shumë njerëz e vizitonin dhomën e saj. Qendra shëndetësore ka ndryshuar protokollin pas lindjes së 29 dhjetorit. Stafi i meshkujve që duan të hyjnë në dhomën e gruas duhet të jenë të shoqëruar me një femër. Autoritetet po hetojnë objektin për abuzim seksual të mundshëm, raportoi AZ Family.
/GazetaShqip/
