Lajmin e ka bërë të ditur zëdhënësja e shefes së Politikës së Jashtme të BE, Catherine Ashton, e cila ka marrë dritën jeshile nga negociatori iranian Saeed Jalili. Në grupin 5+1 bëjnë pjesë Shtetet e Bashkuara, Rusia, Kina, Britania e Madhe dhe Franca, anëtare të përhershme të Këshillit të Sigurimit, plus Gjermania. Pak ditë më parë Teherani zyrtar njoftoi nisjen nga puna të centralit bërthamor të Bushehrit, ndërkohë që dje një virus informatik bllokoi centrifugat e centralit të Natanzit. Presidenti Mahmoud Ahmadinejad akuzoi për këtë ndërhyrje fuqitë perëndimore.
