Eurodeputetja Lunaçek, pritet që t`i kërkojë ministrit Beqaj, përshpejtimin e përmbushjes së kritereve teknike, në mënyrë që qytetarët e Kosovës të marrin udhëzuesin për qarkullim të lirë pa viza. Ndërkohë më herët Lunaçek ka thënë se pengesë për fillimin e procesit të liberalizimit të vizave për Kosovën janë edhe pesë vendet anëtare të BE-së që nuk e kanë njohur ende Kosovën. Gjithashtu ajo ka theksuar në disa raste se pret që shumë shpejt të fillojë dialogu me Prishtinën për këtë çështje, sepse jashtë këtij procesi nuk bën dhe nuk mund të mbetet vetëm Kosova.
