Itali – Prangosen tifozët serb që dogjën flamurin shqiptar

Pas pezullimit të takimit, përleshjet u transferuan jashtë stadiumit “Marassi” deri rreth orës 2 pas mesnatës. 35 janë huliganët e denoncuar dhe 138 ata të identifikuar. 17 prej tyre janë arrestuar, mes tyre edhe personi që preu rrjetën në stadium, duke nxitur tifozët e tjerë të hidhnin fishekzjarre në fushë. Mes 16 të plagosurve, ndodhen edhe dy karabinierë italianë. Ndërkohë, televizioni publik serb e dënoi sjelljen e ultrasve. “Ky është një turp i vërtetë për Serbinë dhe një turp për futbollin tonë”, u shpreh komentatori gjate momenteve kur ndeshja u ndërpre.