Hungari – BE dërgon ekspertët për baltën e kuqe

Ekspertët nisën punën për të gjetur një zgjidhje për baltën e kuqe që rrezikon të përhapet edhe në ujrat e lumenjve. Ministri hungarez i mjedisit i tha BBC-së se struktura ekzistuese mbrojtëse e rezervuarit rrezikon të shembet nga çasti në çast. Ekspertët paralajmërojnë se edhe struktura mbrojtëse në pjesën veriore të rezervuarit rrezikon të bjerë nga çasti në çast. Ministri hungarez i Mjedisit thotë se nuk duhet humbur asnjë minutë për të ndërtuar këtë strukturë që është një unazë masive, në përpjekje për të mbrojtur atë që ka mbetur nga Kolomtari dhe fshatrat e tjerë të kësaj lugine.