Rumani – Ministri i Brendshëm jep dorëheqjen

Blaga e bëri dorëheqjen e tij publike, por përmendi edhe arritjet e Ministrisë së Brendshme gjatë drejtimit të tij, duke theksuar se ishte i vetmi institucion që tërhoqi 600 milionë euro fonde nga BE. Ditën e premte, rreth 6 mijë policë u mblodhën jashtë pallatit presidencial në Bukuresht, për të protestuar kundër uljes së pagave me 25% dhe duke kërkuar dorëheqjen e presidentit dhe ministrave. Gjatë javës, protesta të shumta janë mbajtur pasi qeveria rumune paraqiti projektin e saj për të shkurtuar pagat, në mënyrë që të reduktohet deficiti buxhetor.