Kosovë – UNMIK është pengesë për integrimin e Mitrovicës

Raporti i publikuar së fundmi prej kësaj zyre, vlerëson se si buxheti i qeverisë së Kosovës i ndarë për Veriun, nëpërmjet UAM-it kalon në administrimin e strukturave paralele. “Administrata e UNMIK-ut në veri të Mitrovicës është shndërruar në një pengesë të integrimit të këtij qyteti dhe po e ndihmon mbijetesën e strukturave paralele të Serbisë në atë pjesë të Kosovës. Në vend që të shpërbëjë strukturat paralele, UAM-i ashtu sikur edhe në të kaluarën, e mban autoritetin në veri të Mitrovicës dhe i lejon strukturat paralele të vazhdojnë qeverisjen”, thuhet në raportin e ICO dhe qeverisë së Kosovës. Raporti pohon ndër të tjera se administrata e UNMIK-ut në veri të Mitrovicës, e krijuar me qëllim që të zëvendësojë strukturat paralele serbe në veri të Kosovës dhe pjesën mbi lumin Ibër të Mitrovicës ka bërë krejtësisht të kundërtën. Kur ajo në fakt, kishte si qëllim ofrimin e qeverisjes së barabartë për të gjitha komunitetet.