Autoriteti Rrugor Shqiptar ka njoftuar se reshjet e shiut që kanë vazhduar gjatë natës deri në orët e para të mëngjesit me intensitet kanë rënie gurësh dhe inertesh në trup të rrugës si në Bajram Curri-Fierzë km 12.
Në Tamarë-Vermosh ka pasur reshje dëbore, ku është punuar me mjete e punëtorë dhe qarkullimi kryhet pa probleme.
Në aksin Bogë-Theth në zonën e tuneleve ka pasur rënie orteqesh, duke sjellë vështirësi në qarkullim dhe pastrimin e rrugës pasi rënia vazhdon të jetë aktive.
Kontraktorët me mjete e punëtorë kanë qenë në terren gjatë gjithë natës për të mbajtur qarkullimin në normalitet.
ARSH apelon që të tregohet kujdes të shtuar gjatë drejtimit të mjetit në kohë me reshje, të pajiseni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.
