Shqipëri – Moti sot, 12 Maj 2010

Parashikohet se kthjellime do të ketë në pjesën më të madhe të vendit përjashtuar zonat malore veriore, të cilat pritet të kenë herë pas here kalime vranësirash, ndërsa në orët e mesditës do të ketë diell në të gjithë territorin shqiptar. Pjesa e dytë e ditës do të vijojë me mot të kthjellët në bregdet dhe zonën e ulët ndësa zonat malore do të mbeten me kthjellime dhe vranësira kalimtare, kryesisht zonat malore veriore. Në kushtet e kthjellimeve dhe vranësirave do të mbetemi në mbrëmje dhe gjatë natës. Temperaturat e ajrit në mëngjes do të pësojne rritje me 1-2 gradë ndërsa mesdita do të sjellë një rënie të lehtë të temperaturave në të gjithë vendin. Era do të fryjë lehtë në tokë dhe në det me shpejtësi 25 km/h nga drejtim jugperëndimor ndërsa deti do të jetë i qetë.