Shqipëri – Moti sot, 11 Mars 2010

Mesdita do të sjellë shkëputje me kthjellime në të gjithë vendin. Një sistem vranësirash pritet të përfshijë të gjithë territorin shqiptar në pjesën e dytë të ditës dhe për pasojë në orët e mbrëmjes reshjet e shiut do të rikthehen sërish në vend, ndërsa reshje të pakta dëbore do të ketë në zonat malore përgjatë kufirit lindor. Temperaturat e ajrit do të qëndrojnë konstante në mëngjes, por mesdita do të sjellë rritje me 2 gradë të temperaturave në vend. Era do të fryjë mesatare në tokë dhe në det me shpejtësi 35 km/h nga drejtim jugor-jugperëndimor ndërsa dallgëzimi në det do jetë 3 ballë. Gadishulli Apenin dhe Juglindja e kontinentin europian do të vijojnë me reshje shiu e dëbore, por në sasi më të pakta. Të rrezikuar nga reshjet e dëborës dhe stuhi të forta ere do të mbetet dhe Europa Verilindore. Ndërsa pjesa tjetër e kontinentit europian do të karakterizohet nga kthjellime dhe vranësira të kalimtare.